وه‌زیری ده‌ره‌وه‌ی كۆماری ئیسلامی ئێران، محه‌مه‌د جه‌واد زه‌ریف رایگه‌یاند، مانۆڕه‌ سه‌ربازییه‌كانی ئێران و رووسیا و چین له‌ زه‌ریای هیندی و ده‌ریای عومان هه‌ڕه‌شه‌ نین بۆ سه‌ر هیچ وڵاتێك.

له‌ لێدوانێكدا بۆ تۆڕی هه‌واڵی سی ئێن ئێنی ئه‌مه‌ریكی، زه‌ریف گوتی: ئه‌و مانۆڕه‌ هاوبه‌شه‌ی بڕیاره‌ له‌گه‌ڵ رووسیا و چین بكرێت هه‌ڕه‌شه‌ نییه‌ بۆ سه‌ر هیچ وڵاتێك و بابه‌ته‌كه‌ په‌یوه‌ست نییه‌ به‌ درووستكردنی هاوپه‌یمانی له‌ نێوان ئه‌و وڵاتانه‌.

سوپای پاسدارانی كۆماری ئیسلامی ئێران رایگه‌یاند، به‌م نزیكه‌ كۆماری ئیسلامی بۆ یه‌كه‌مجار مانۆڕی ده‌ریایی هاوبه‌ش له‌گه‌ڵ رووسیا و چین له‌ باكووری زه‌ریای هیندی و ده‌ریای عومان ئه‌نجام ده‌دات.





K24