حکوومەتی رووسیای فیدڕال ئاسانکاری لە پێدانی رەگەزنامە بە هاووڵاتییانی بیانی، دەکات.

بەپێی هەواڵی میدیا رووسییەکان، وەزارەتی ناوخۆی ئەو وڵاتە بە نیازە یاسی پێدانی رەگەزنامە هەموار بکاتەوە و بۆ ئەوەی قوتابیانی بیانی لە رووسیا، بتوانن رەگەزنامەی ئەو وڵاتە وەربگرن.

ئاسانکارییەکە بریتییە لە پێدانی رەگەزنامەی رووسی بە قوتابییانی بیانی، کە زانکۆ و پەیمانگا لە رووسیا تەواو دەکەن، بەڵام دوو مەرج هەیە بۆ پێدانیان، کە بریتین لە؛

- قوتابییەکە زانکۆ یان پەیمانگایەکی حکوومیی رووسی تەواو کردبێ نەک ئەهلی.

- بە فەرمی لە فەرمانگەی مافی مانەوە (ئیتقامە)، خۆی تۆمار کردبێ.

بەپێی یاسا بەرکارەکانی ئێستا، قوتابی بیانی سێ ساڵ دوای تەواوکردنی خوێندن، دەتوانێ داوای مافی پەنابەرێتیی کاتی بکات و دواتر دەکرێت بە هەمیشەیی و پاشان رەگەزنامەی پێ دەدرێ.







باسنیوز