سوپای ئیسرائیل لە وەڵامی هێرشێکی بزووتنەوەی بەرگریی ئیسلامیی فەلەستینی (حەماس)، بنکە چەکدارییەکانی ئەو حزبە بۆردومان دەکات.

ئێوارەی رۆژی هەینی 6-9-2019، چەکدارانی حەماس پێنج مووشەکیان لە کەرتی غەززەوە ئاراستەی خاکی ئیسرائیل کرد.

سوپای ئیسرائیل رایگەیاندووە، لە وەڵامی ئەو پێنج مووشەکەی حەماس، هێزەکانی ئیسرئیل ”ژمارەیەک ئامانج“ی حەماسی لە باکووری کەرتی غەززە، بۆردومان کردووە.

حەماس بزووتنەوەیەکی تیرۆریست و توندڕەوی فەلەستینییە، لە ساڵی 2007ـەوە دەستی بەسەر کەرتی غەززەدا گرتووە و لەلایەن ئەمریکاوە خراوەتە ناو لیستی تیرۆر.

سەرکردەکانی حەماس باس لەوە دەکەن، کە کۆماری ئیسلامیی ئێران پاڵپشتیی ماددی و سەربازییان دەکات.







باسنيوز