ئەمڕۆ چوارشەممە براین هۆك نوێنەری ئەمریكا بۆ كاروباری ئێران رایگەیاند وڵاتەكەی هێرشی نەكردووەتە سەر حەشدی شەعبی لە عێراق دووپاتیشی كردەوە هەر لایەنێك سزا دەدەن مامەڵە لەگەڵ ئێراندا بكات.

هۆك لە كۆنگرەیەكی رۆژنامەوانیدا ئاشكرای كرد ئەو هێرشانەی لە ڕێگەی فڕۆكەی بێفڕۆكەوانی نەناسراوەوە كراونەتە سەر بارەگاكانی حەشدی شەعبی لە عێراق، لەلایەن ئەمریكاوە نەبوون.

هەروەها گوتی ئەمریكا هەر لایەن و وڵاتێك سزا دەدات كە لەگەڵ ئێراندا مامەڵە بكات.

نوێنەرەكەی ئەمریكا هەروەها گوتی كە سوپای پاسداران و فەیلەقی قودسیش بە هۆی هەڕەشەكردن لە ئیسرائیل سزا دەدەن، سزای نوێش بەسەر ئێراندا دەسەپێنن.