وه‌زیری به‌رگری توركیا، خلووسی ئاكار، رایگه‌یاند، توركیا پلانی جێگره‌وه‌ی هه‌یه‌، ئه‌گه‌ر واشنتن پابه‌ندی به‌ڵێنه‌كانی خۆی نه‌بێت سه‌باره‌ت به‌ "ناوچه‌ی ئارام"ی باكووری سووریا و رۆژهه‌ڵاتی فورات.

خلووسی ئاكار گوتیشی: "توركیا ده‌توانێت چی پێویسته‌ بیكات له‌ باره‌ی پرسی ناوچه‌ی ئارامی خۆرهه‌ڵاتی فورات".

هه‌روه‌ها گوتی: "ئێمه‌ پلانی (ب)یمان هه‌یه‌، ئه‌گه‌ر بێت و ئه‌مه‌ریكا پاشگه‌ز بێته‌وه‌ له‌و به‌ڵێنانه‌ی به‌ توركیای داوه‌ و ناچارین جێبه‌جێی بكه‌ین".

وه‌زیری به‌رگری توركیا، باسی له‌وه‌شكرد، "وڵاته‌كه‌ی ئه‌زموونی خۆی له‌گه‌ڵ به‌ڵێنه‌كانی ئه‌مه‌ریكا سه‌باره‌ت به‌ منبج و ره‌قه‌ له‌ یاد ناچێت. هه‌ر بۆیه‌ به‌ وردی چاودێری پابه‌ندی ئه‌مه‌ریكا ده‌كه‌ین به‌ به‌ڵێنه‌كانه‌وه‌ و هیچ شتێكیش قبووڵ ناكه‌ین، ئه‌گه‌ر به‌ وردی هه‌موو زانیارییه‌كانی تاوتوێ نه‌كه‌ین".





K24