فەرماندەیی ناوەندی سوپای ئەمریکا رایگەیاند، هێزەکانی وڵاتەکەی هێرشیانکردوەتەسەر سەرکردەکانی لقی سووریای رێکخراوی ئەلقاعیدە لە ئیدلب.

ئێرڵ براون، گوتەبێژی فەرماندەیی ناوەندی سوپای ئەمریکا گوتی، هێرشەکە سەرکردەکانی رێکخراوی ئەلقاعیدەی لە باکووری ئیدلب کردوەتە ئامانج و ئاماژە بەوەشدەکات، ئەو سەرکردانەی ئەلقاعیدە لە رێگەی هێرشەکانیانەوە هەڕەشەبوون لەسەر "هاووڵاتییانی ئەمریکی، هاوبەشەکانمان و خەڵکی سڤیلی بێتاوان".

براون ئاماژەی بەوەنەکردووە، لەو هێرشەدا چ جۆرە چەکێک بەکارهێندراوە.

ئەمڕۆ هێرشێکی مووشەکی کرایەسەر پارێزگای ئیدلبی سووریا و چالاکوانان دەڵێن، هێرشە مووشەکییەکە بەرپرسانی دەستەی تەحریری شامی کردوەتە ئامانج و بەو هۆیەوە زیاتر لە 40 کەسیان کوژراون.