بەرپرسێکی بریتانیا رایگەیاند، بۆریس جۆنسۆن، سەرۆک وەزیرانی بریتانیا بە سەرۆکی ئەنجومەنی ئەوروپای وتوە، رەوشەکە هەرچۆنێک بێت بریتانیا لە 31ی ئۆکتۆبەردا یەکێتی ئەوروپا بەجێدەهێڵێت.

ڕەوشەکە هەرچۆنێک بێت بریتانیا لە 31 ی ئۆکتۆبەردا یەکێتی ئەوروپا بەجێدەهێڵێت


ئاژانسی رۆیتەرز لە زاری بەرپرسێکی بریتانیاوە بڵاویکردەوە، بۆریس جۆنسن، سەرۆک وەزیرانی بریتانیا بە دۆناڵد تۆسک، سەرۆکی ئەنجومەنی ئەوروپای راگەیاندوە، ڕەوشەکە هەرچۆنێک بێت بریتانیا لە 31 ی ئۆکتۆبەردا یەکێتی ئەوروپا بەجێدەهێڵێت.

پێمباشترە هەوڵبدەم بۆ رێککەوتنێک لەگەڵ یەکێتی ئەوروپادا


ئاماژەی بەوەشکردوە، پێی باشترە هەوڵبدات بۆ رێککەوتنێک لەگەڵ یەکێتی ئەوروپادا و دوبارە جەختی لەوە کردوەتەوە ئامادەیە لەگەڵ یەکێتی ئەوروپا و ئەندامەکانیدا دابنیشێت و سەبارەت بەو بابەتە گفتوگۆ بکات.

بەرپرسە بریتانیەکە وتوشیەتی، "جۆنسن دوبارە وتویەتی رەوشەکە هەرچۆنێک بێت لە 31ی ئۆکتۆبەردا لە یەكێتی ئەوروپا جیادەبینەوە، پێویستە رێز لە ئەنجامی گشتپرسییەکە بگرین".






خەندان