وەزیری دەرەوەی ئێران رایگەیاند قۆناغی سێیەمی پاشەکشەکردنیان لەرێکەوتنە ئەتۆمییەکە بەهێزتردەبێت.

بەپێی هەواڵێکی ئاژانسی تەسنیمی ئێرانی، ئەمڕۆ پێنجشەممە محمد جەواد زەریف وەزیری دەرەوەی ئێران لەپەیمانگای توێژینەوەی ئاشتی نێودەوڵەتی ستۆکۆڵم لەبارەی رێکەوتنە ئەتۆمییەکەی نێوان ئێران و وڵاتانی کاریگەری جیهان رایگەیاندوە، قۆناغی سێیەمی پاشەکشەکردنیان لەرێکەوتنە ئەتۆمییەکە بەهێزتردەبێت.

وڵاتانی ئەوروپا ( فەرەنسا، ئەڵمانیا، بریتانیا) 11 خاڵی رێکەوتنەکەیان جێبەجێکردوە


وەزیری دەرەوەی ئێران ئاماژەی بەوەش کردوە وڵاتانی ئەوروپا ( فەرەنسا، ئەڵمانیا، بریتانیا) 11 خاڵی رێکەوتنەکەیان جێبەجێکردوە لەنێوانیشیاندا کڕینی نەوتەکەیان و ئاڵوگؤڕە دارایی و بانکییەکان."

پێویستە ئەوروپییەکان رۆلی خۆیان ببینن لەئاساییکردنەوەی پەیوەندییە بازرگانییەکان


زەریف وتیشی، بەپێی رێکەوتنەکە پێویستە ئەوروپییەکان رۆلی خۆیان ببینن لەئاساییکردنەوەی پەیوەندییە بازرگانییەکان لەگەڵ کۆماری ئیسلامی ئێران و پابەندبن بەرێکەوتنەکە.

مانگی رابردو کۆماری ئیسلامی ئێران قۆناغی دوەمی کەمکردنەوەی پابەندبونی بەرێکەوتنە ئەتۆمییەکە راگەیاندو رێژەی پیتاندنی یۆرانیۆمی بەرزکردەوە.





خەندان