لایەنگرێکی سەرۆکی ئەمریکا سزای 20 ساڵ زیندانیکردنی بۆ دەردەچێت.

سیزەر سیوک، هاووڵاتییەکی ئەمریکایە و لایەنگرێکی دۆناڵد ترەمپی سەرۆکی وڵاتەکەی و پارتی کۆماریخوازەکانە.

سیزەر سیوک لە ماوەی نێوان 22 و 26ـی مانگی 10ـی 2018، 16 بۆمبی دەستی بۆ رکابەرەکانی دۆناڵد ترەمپ ناردووە، کە هیچیان نەتەقیونەتەوە.

سیوک لە دادگای نیویۆرک دانی بە تاوانەکەیدا ناوە و رایگەیاندووە، پەشیمانە و ئەگەر کات بگەڕێتەوە دواوە، ئەو کارە ناکات.

سیزەر سیوک بۆمبەکانی بۆ ئەو سەرکردە و کەسایەتییانەی دیموکراتەکان ناردبوو، کە گرنگترینیان بریتی بوون لە؛

- باراک ئۆباما، سەرۆکی پێشووی ئەمریکا

- جۆ بایدن، جێگری باراک ئۆباما

- هیلاری کلینتۆن، کاندیدی رکابەری ترەمپ بۆ سەرۆکایەتیی ئەمریکا

- ئێریک هۆڵدەر، داواکاری گشتی

- کۆری بوکیر، سیناتۆر

- رۆبێرت دی نیرۆ، هونەرمەند

- جۆرج سۆروس، ملیاردێر











باسنيوز