سوپای ئیسرائیلی مانۆڕێکی سەربازیی لەنزیک سنوورەکانی غەززە لە فەلەستین رێک دەخات.

مانۆڕەکە بە بەشداریی هێزی زەمینی، دەریایی و ئاسمانیی ئیسرائیل لە چوارچێوەی مەشقەکانی سوپای ئەو وڵاتە لە ساڵی 2019، ئەنجام دەدرێت.

ئەفیغای ئەدرعی، گوتەبێژی سوپای ئیسرائیل رایگەیاندوو، مانۆڕەکە سەرلەبەیانیی ئەمڕۆ یەکشەممە 28-7-2019 دەست پێ دەکات و تا رۆژی چوارشەممە بەردەوام دەبێت.

کەرتی غەززەی فەلەستین لەساڵی 2007ـەوە لەلایەن بزووتنەوەی بەرگریی ئیسلامیی فەلەستینی (حەماس)، دەستی بەسەردا گیراوە و لەوێوە بەردەوام بە مووشەک، کۆمەڵگە جوولەکەنشینەکانی ئیسرائیل بۆردومان دەکرێ.

حەماس بزووتنەوەیەکی تیرۆریست و توندڕەوی فەلەستینییە و لەلایەن ئەمریکا و یەکێتیی ئەورووپاوە خراوەتە ناو لیستی تیرۆر. سەرکردەکانی حەماس باس لەوە دەکەن، کە کۆماری ئیسلامیی ئێران پاڵپشتیی ماددی و سەربازییان دەکات.











باسنيوز