وەزیری دەرەوەی ئەمریکا سەرکۆنەی هێرشکردنە سەر کارمەندانی کۆنسوڵخانەی تورکیا لە هەولێر دەکات و دەڵێت، هیچ پاساوێک بۆ کردەوەیەکی لەو شێوەیە نییە.

لە راگەیێندراوی وەزارەتی دەرەوەی ئەمریکا، مایک پۆمپیۆ ئاماژەی بەوە داوە و رایگەیاند: بە تووندترین شێوە هێرشی ئەمڕۆی هەولێر سەرۆکۆنە دەکەین کە تێیدا دیپلۆماتکارێکی تورکی گیانی لەدەستدا.

لە راگەیەندراوەکەدا، مایک پۆمپیۆ دەڵێت: هیچ پاساوێک بۆ کردەوەیەکی بەمەبەستی پڕ لە گرژی لەم جۆرە نییە.

وەزیری دەرەوەی ئەمریکا باسی لەوەشکردووە: لەناخی دڵمانەوە هاوخەمی ئاراستەی خانەوادەی قوربانیان دەکەین و هیوای زوو چاکبوونەوەی برینداران دەخوازین.

لەکۆتایی راگەیەندراوەکەدا هاتووە، ئەمریکا پابەندی خۆی بۆ پشتگیریکردنی حکومەت و خەڵکی تورکیا و عێراق دووپاتدەکاتەوە.


















rudaw