سوپای جەزائیر هۆشداریی لە بەرزکردنەوەی ئاڵای گەلی ئەمازیغی لەناو خۆپیشاندانەکانی وڵاتەکەی، دەدات.

دوای دەست لەکار کێشانەوەی عەبدولعەزیز بوتەفلیقەی سەرۆکی جەزائیر، هاووڵاتییانی ئەو وڵاتە بەردەوام خۆپیشاندان ساز دەکەن و داوای دادگاییکردنی بەرپرسانی گەندەڵی وڵاتەکەیان دەکەن.

لە خۆپیشاندانەکان، هاووڵاتییانی ئەمازیغی ئاڵای خۆیان بەرز دەکەنەوە و ئەحەد قاید ساڵحی سەرۆک ئەرکانی سوپای جەزائیر هۆشداریی داوە.

ئەحمەد قاید ساڵح رایگەیاندووە، فەرمانی بە سوپا و هێزە ئەمنییەکان کردووە هەر کەسێک ئاڵای ئەمازیغییەکان بەرز بکاتەوە، بە توندی لێکۆڵینەوەی لەگەڵ بکەن.

ئێوارەی رۆژی دووشەممە 1-4-2019، سەرۆکایەتیی کۆماری جەزائیر بەیاننامەیەکی دەرکرد و تێیدا رایگەیاند، عەبدولعەزیز بوتەفلیقە، سەرۆکی وڵات بڕیاری دەست لەکار کێشانەوە و جێهێشتنی کورسیی سەرۆکایەتی، دا.

ئەمازیغییەکان گەلێکی بەربڵاون و لە وڵاتانی مەغریب، جەزائیر، لیبیا، تونس، مۆریتانیا، مالی و نەیجەر بڵاو بوونەتەوە.

ئەمازیغییەکان گەلی رەسەنی باکووری ئەفریقیان و لە هەموو ئەو وڵاتانەی خاکەکەیان بەسەریاندا دابەش کراوە، دەچەوسێندرێنەوە.










باسنيوز