مشیر خەلیفە حەفتەر فەرماندەی سوپای لیبیا هەڕەشە لە تورکیا دەکات
سوپای نیشتمانیی لیبی، کە جیابوونەوەی خۆی لە حکوومەتی ویفاقی نیشتمانی راگەیاندووە، بڕیاری رێگریکردنی لە چوونی هەر کەشتییەک بۆ بەندەرەکانی سەر بەحکوومەتی ویفاقی نیشتمانی، داوە.
مشیر خەلیفە حەفتەر، فەرماندەی گشتیی سوپای نیشتمانیی لیبی رایگەیاندووە، هەر کەشتییەکی تورکی لە بەندەرەکانی حکوومەتی ویفاقی نیشتمانی نزیک بێتەوە، ”لێی دەدەین“.
حکوومەتی ویفاقی نیشتمانی بە کۆدەنگیی هەموولایەنە لیبییەکان پێکهاتووە، کە سەرکردەکانی سەر بە رەوتی ئیخوان موسلیمین سەرۆکایەتی دەکەن و پارتی داد و گەشەپێدان (ئاکەپە)ی دەسەڵاتداری تورکیاش پارتێکی سەر بە رەوتی ئیخوان موسلیمینە.
باسنیوز
