فڕۆکەیەکی بێ فڕۆکەوانی ئێران وێنە و ڤیدیۆی کەشتییەکی فڕۆکە هەڵگری ئەمەریکا لە کەنداوی فارس بڵاو دەکاتەوە.

ئاژانسی تەسنیمی ئێرانی، ڤیدیۆکەی بڵاوکردووەتەوە و تیایدا دەردەکەوێت، فڕۆکەیەکی بێ فڕۆکەوان بە ناوی "ئەبابیل3" لە فڕۆکەخانەیەکی ئێرانەوە دەفڕێت و زانیاری لەسەر فڕۆکە هەڵگرە ئەمەریکییەکە لە جۆری Dwight D. Eisenhower بڵاودەکاتەوە.

ناکۆکییەکانی نێوان واشنتن و تاران بەردەوامە و ئەمەریکا لە دواین هەنگاویدا، بڕیاردا هەناردەی نەوتی ئێران بە تەواوی رابگرێت، ئێرانیش رەتیدەکاتەوە و رێگای جیاواز دەگرێتە بەر.






K24