ژنە مامۆستایەکی پێشووی زانکۆی سۆران لە وڵاتێکی ئەفریقی، کوژرا.

بەپێی هەواڵێکی ماڵپەڕی (CNN)ی ئەمریکی، فای موونێی، کە خەڵکی بەریتانیا بوو، چالاکوانێکی پاراستنی مافەکانی مرۆڤ بووە و لەگەڵ ڕێکخراوی مێرسی کۆڕپسی وڵاتەکەی لە نایجیریا کاری کردووە، لە ھێرشێکدا کوژراوە.

هێرشەکە لەلایەن ژمارەیەک چەکدار کراوەتە سەر شوێنێکی گەشتیاری لە هەرێمی کادۆنا لە نایجیریا و بووەتە هۆی کوژرانی دوو گەشتیار و چەکدارەکانیش سێ گەشتیاری دیکەیان رفاندووە.

فای موونێی پێشتر لە ساڵەکانی 2013 و 2014 مامۆستای زانکۆی سۆران بووە و ماوەی دوو ساڵیشە بۆ رێکخراوی مێرسی کۆڕپس کار دەکات و رۆژی هەینیی رابردوو لە نایجیریا کوژرا.









باسنيوز