سودان وڵاتێکی رۆژهەڵاتی ناوەڕاست بە پشتگیریکردنی خۆپیشاندانەکانی وڵاتەکەی، تۆمەتبار دەکات.

سەڵاح عەبدوڵڵا قۆش، بەڕێوەبەری دەزگای ئاسایش و هەواڵگریی سوودان بە رۆژنامەنووسانی وڵاتەکەی راگەیاندووە، ئەو خۆپیشاندانانە لە ئەنجامی خراپیی بەڕێوەبردن و دابەشکردنی خواردمەنەییەکان، دروست بوون.

سەڵاح عەبدوڵڵا قۆش هەروەها رایگەیاندووە، ژمارەیەک ئەندامی بزووتنەوەی عەبدولواحید نور چوونەتە ئیسرائیل و لەوێ مەشقیان لەسەر دروستکردنی ئاژاوە پێکراوە.

بزووتنەوەی عەبدولواحید نور بزووتنەوەیەکی ئۆپۆزیسیۆنی سوودانە و لە هەرێمی دارفوورەوە دژایەتیی حکوومەتی سوودان دەکات.

نزیکەی هەفتەیەکە هاووڵاتییانی سوودان دژی گرانبوونی نرخی خواردن، دەستیان بە خۆپیشاندان دژی حکوومەتی وڵاتەکەیان کردووە و چەندین بنکە و بارەگای حکوومەت و حزبی فەرمانڕەوایان سووتاندووە.










باسنيوز