فەرماندەی "قەرارگای ناوەندیی خاتەمولئەنبیا"ی سەر بە سوپای پاسداران، ئەمڕۆ لە دوورگەکانی کەنداو، لە کۆبوونەوەیەکدا لەگەڵ هێزە چەکدارەکان گوتی لە ئەگەری هەر هێرشێک بۆ سەر ئێران، هێزە چەکدارەکانمان کاردانەوەی توندیان دەبێت.

بەپێی زانیاریی میدیا فەرمییەکانی ئێران (غوڵامڕەزا ڕەشید) ئاماژەی بەوەش کرد هەرچەشنە هەڵەی لێکدانەوە و هەڕەشە و هێرشێک لەلایەن دوژمنانەوە بکرێت، هێزە چەکدارەکانمان لە هەموو ئاستێکدا وەڵامی دەدەنەوە و خاترجەم بن دوژمن پەشیمان دەبێتەوە".

ئەم سەردانەی فەرماندەی سوپا بۆ دووڕگەکانی "تونبی گەورە و بچووک و ئەبوومووسا" لە کەنداو لە کاتێک دایە کە چەند ڕۆژێکە فەرماندە سەربازییەکانی ئەمریکا باس لە زەخت و گوشاری زیاتر و خۆتەیارکردن بۆ کاردانەوە بەرانبەر بە ئێران دەکەن و هاوکات جۆن بۆڵتەن سەرۆکی ئاسایشی نەتەوەیی کۆشکی سپی و هێزەر ناوێرت گوتەبێژی وەزارەتی دەرەوەی ئەمریکا ڕایان گەیاند ئاڵقەی گەمارۆ و سزاکانی سەر ئێران تەنگتر دەکەنەوە.










باسنيوز