ئەنجوومەنی نووسەرانی ئێران، لە بەیاننامەیەكدا ئیدانەی ھەڵوەشاندنەوەی كۆبوونەوەی ئەندامانی ئەنجوومەنەكەیان لەلایەن ھێزە ئەمنییەكانی ئێرانەوە كرد و رایگەیاند، ھێزە ئەمنییەكان، رژاونەتە شوێنی كۆبوونەوەی ئەندامانی ئەنجوومەنەكەیان و رێگریان لە بەڕێوەچوونی ھەڵبژاردنی دەستەی بەرێوه‌بەری ئەو ئەنجوومەنەدا كردووە.

ئەنجوومەنی نووسەرانی ئێران لەو بەیاننامەیەدا دەڵێت، چالاكییەكانیان دژی سانسۆرە و داواكردنی مافی ئازادی رادەربڕینە لە ئێران، داواش دەكەن رێگە لە دەستێوەردانی ھێزە ئەمنییەكان لە چوارچێوەی چالاكییەكانیان بگیردرێت.

لە ماوەی چەند ساڵی رابردووشدا چەندینجار كۆبوونەوەكانی ئەنجوومەنی نووسەرانی ئێران, لەلایەن وەزارەتی ئیتلاعات و ھێزە ئەمنییەكانەوە ھەڵوەشاوەتەوە.


K24 -