بەرپرسانی حکوومەتی ئەرمێنیا رایانگەیاند: ژمارەی بریندارانی تێکهەچوونەکانی شەوی هەینیی ئەم وڵاتە گەیشتە ٧٥کەس و رۆژی شەممە ئەفسەرێکی پۆلیسیش بە دەستڕێژی گوللـە گیانی لەدەست دا.

ئێوارەی رۆژی هەینی ٢٩ی تەممووز، تێکهەچوونی نێوان خۆپێشاندەران و هێزەکانی پۆلیس لەپایتەختی ئەرمێنیا، برینداری لێکەوتەوە کە بە گوتەی بەرپرسانی ئەم وڵاتە، لانیکەم ٢٥کەسیان گوازراونەتەوە نەخۆشخانە.

سەرچاوەکانی هەواڵ رایانگەیاند: هێزەکانی پۆلیس ١٦٥کەسیان دەستگیر کردووە کە ٢٦کەسیان هەوروا دەستبەسەرن.

گروپێکی چەکداری سەر بە یەکێک لە دژبەرانی حکوومەتی ئەرمێنیا، رۆژی یەکشەممەی رابردوو کە لە گەڕەکی "ئێربوون"ی دەستی بەسەر باڵەخانەیەک داگرت و چەند پۆلیسێکی دەستبەسەر کرد کە جێگەری فەرماندەی پۆلیسی ئەرمێنیاش لەناویاندابوو. دوای ئەوەی پۆلیسەکان ئازاد کران، ناوبراو خۆی بەدەستەوە نەدا.