هێزه‌كانی هاوپه‌یمانی عه‌ره‌بی كه‌ سعودییه‌ سه‌ركردایه‌تی ده‌كات ، رایانگه‌یاند كه‌ هێلیكۆپته‌رێكى سه‌ربازى له‌ جۆرى ئاپاچى له‌سه‌ر سنوورى یه‌مه‌ن كه‌وته‌ خواره‌وه‌ و دوو فڕۆكه‌وان گیانیان له‌ده‌ستداوه‌.

له‌ به‌یاننامه‌یه‌كی هێزه‌كانی هاوپه‌یمانیى عه‌ره‌بیدا هاتووه‌ كه‌ سعودییه‌ لێكۆڵینه‌وه‌ له‌ هۆكاری كه‌وتنه‌خواره‌وه‌ی هێلیكۆپته‌ره‌كه‌ ده‌كات كه‌ له‌ پارێزگای جازانی سنووری كه‌وتۆته‌ خواره‌وه‌ .

ئاژانسی هه‌واڵی سه‌به‌ئی یه‌مه‌نیش بڵاویكرده‌وه‌ كه‌ چه‌كداره‌ حوسییه‌كان ئه‌و هێلیكۆپته‌ره‌ى سعودیه‌یان خستۆته‌ خواره‌وه‌ .