مه‌ولود چاوش ئۆغلۆ وه‌زیرى ده‌ره‌وه‌ى توركیا رایگه‌یاند، به‌م زووانه‌ فڕۆكه‌ى بێ فڕۆكه‌وانى ئه‌مه‌ریكا ده‌گاته‌ بنكه‌ى سه‌ربازى توركیا و گوتیشى: به‌م نزیكانه‌ وڵاته‌كه‌ى شه‌ڕى هه‌مه‌لایه‌نه‌ له‌ دژى رێكخراوى تیرۆرستى داعش ده‌ست پێده‌كات.

چاوش ئۆغلۆ ئاماژه‌ى به‌وه‌شدا، له‌ چوارچێوه‌ى رێككه‌وتنه‌كه‌یان له‌گه‌ڵ ویلایه‌ته‌ یه‌كگرتووه‌كانى ئه‌مه‌ریكا هه‌نگاوێكى پێشڤه‌چوونیان سه‌باره‌ت به‌ كردنه‌وه‌ى بنكه‌كان به‌ تایبه‌تیش بنكه‌ى ئه‌نجرلیك له‌ توركیا ناوه‌.

هه‌روه‌ها له‌ میانه‌ى سه‌ردانه‌كه‌شى بۆ مالیزیا وه‌زیرى ده‌ره‌وه‌ى توركیا روونیشیكرده‌وه‌، هه‌ر كاتێك فڕۆكه‌كه‌ى بێ فڕۆكه‌وانه‌كه‌ى ئه‌مه‌ریكا بگاته‌ بنكه‌ سه‌ربازییه‌كانى وڵاته‌كه‌ى، ئه‌وه‌ له‌گه‌ڵ ئه‌مه‌ریكا پێكه‌وه‌ ده‌ست به‌ شه‌ڕى هه‌مه‌لایه‌نه‌ى رێكخراوى تیرۆرستى داعش ده‌كه‌ن.