حەسەن رۆحانی سەردانی سنە دەكات
“حەسەن عەلەوی” سەرۆكی كۆمەڵەی نوێنەرانی پارێزگای سنە لە پەرلەمانی ئێران لە لێدوانێكدا بۆ رۆژنامەی “هەمشەهری” وێڕای پشتڕاست كردنەوەی ئەم هەواڵە گوتی: “پاش زیاتر لە 2 ساڵ وادە و بەڵێنی و چەندین مانگ مشتومڕ، سەرەنجام بڕیارە رۆژی یەكشەممە 26 ـ 7 ـ 2015 حەسەن رۆحانی بە سەردانێكی یەك رۆژە بێتە پارێزگای سنە.”
بە گوتەی ئەو پەرلەمانتارە لەو سەردانە یەك رۆژەدا بڕیارە پڕۆژەی وەك رێگەی شەمەندەفەر (ئاسن) و چەندین پڕۆژەی وەك رێگەوبارن و بەنداوەكانی دەوروبەری سنە بكەونە گەڕ.
بەڕای چالاكوانانی سیاسی و مەدەنیی رۆژهەڵات، لە كاتی پڕوپاگەندەی هەڵبژاردنی سەركۆماریدا حەسەن رۆحانی زۆر وادە و بەڵێنی بە خەڵكی رۆژهەڵاتی كوردستان و بەتایبەت لە بواری بە فەرمی ناسینی زمانی كوردی دا كە هیچكامیان هەتا ئێستە جێبەجێ نەكراون.
باسنيوز
