رێكخراوى نه‌ته‌وه‌یه‌كگروه‌كان له‌ راپۆرتێكدا بڵاوى كردوه‌ته‌وه‌ كه‌ ژماره‌ى قوربانیانى ته‌ندوتیژییه‌كانى یه‌مه‌ن له‌ سێ مانگ له‌مه‌وبه‌ر تاكو ئێستا بۆ زیاتر له‌ 1500 كه‌س به‌رز بووه‌ته‌وه‌.

كۆمیسیارى باڵاى رێكخراوى نه‌ته‌وه‌یه‌كگرتووه‌كان بڵاوى كرده‌وه‌؛ كه‌ به‌هۆى شه‌ڕو پێكدادانه‌كانى یه‌مه‌ن له‌ 17ى حوزه‌یران تاكو سێى ته‌موز لایه‌نى كه‌م 92 كه‌س كوژراون و 179 كه‌سیش بریندار بوون.

هه‌روه‌ها له‌ 27ى مانگى ئازارتاكو ئێستا ؛ 1528 كه‌س كوژراون و زیاتر له‌ سێ هه‌زار كه‌سیش بریندار بوون.