سەرۆک وەزیرانی بەریتانیا، فەرمانی بە هێزێکی تایبەتی وڵاتەکەی کردووە، بە کوشتنی ئەبوبەکر بەغدادی، خەلیفەی رێکخراوی دەوڵەتی ئیسلامی (داعش) و سەرکردەکانی دیکەی ئەو رێکخراوە.

دەیڤید کامیرۆن، سەرۆک وەزیرانی بەریتانیا گڵۆپی سەوزی بۆ دەستبەکاربوونی هێزی تایبەتی بەریتانیا (SAS) بۆ راوەدوونان و لە ناوبردنی سەرکردەکانی داعش هەڵکرد.

بەپێی ئەم رێگەپێدانەی سەرۆک وەزیران، ئیدی هێزی تایبەت رێگەپێدراوە سەرکردەکانی داعش لە سوریا و عێراق بکوژێت، وێڕای کوشتنی پلانداڕێژەرانی هێرشە تیرۆریستییەکەی سوسە لە تونس، کە تێیدا ژمارەیەک گەشتیاری بەریتانی کوژران.