به‌پێی گوته‌ی چالاكوانان له‌ سوریا له‌ ئاكامی ته‌قینه‌وه‌ی مزگه‌وتێك له‌ شاری ئه‌ریحای سه‌ر به‌ پارێزگای ئیدلیب باكوری رۆژئاوای سوریا بیست و پێنج كه‌س له‌ گروپی جه‌بهه‌ی نه‌سره‌ كوژران . روانگه‌ی سوریا بۆ مافه‌كانی مرۆڤ روونیكرده‌وه‌ كه‌ به‌ ده‌یه‌ها كه‌سی دیكه‌ له‌و ته‌قینه‌وه‌یه‌دا بریندار بوون .

ته‌قینه‌وه‌كه‌ له‌ مزگه‌وتی سالم روویدا. به‌پێی راپۆرته‌كان ئه‌ندامێكی پایه‌به‌رزی به‌ره‌ى نوسره‌ له‌ نێو كوژراوه‌كاندا بوو . شاری ئه‌ریحا دوایین مۆڵگه‌ی رژێمى سوریا بوو له‌ ئیدلیب كاتێك له‌ مانگی ئایاری رابردوو چه‌كداران كۆنترۆڵیان كرد و به‌ كه‌وتنی ئه‌ریحا زۆربه‌ی پارێزگای ئیدلیب كه‌وته‌ ده‌ستی چه‌كدارانه‌وه‌ .