كۆشكی سپی له‌ به‌یاننامه‌ییه‌كدا بڵاویكرده‌وه‌، له‌ حه‌ڤده‌ى تشرینی دووه‌مه‌وه‌ جۆ بایدن جێگری سه‌رۆكی ئه‌مریكا بۆ ماوه‌ی یه‌ك هه‌فته‌ گه‌شتێك بۆ وڵاتانی مه‌غریب، ئوكرانیا و توركیا ئه‌نجام ده‌دات .

له‌ مه‌غریب بایدن سه‌رۆكایه‌تی شاندی وڵاته‌كه‌ی ده‌كات له‌ پێنجه‌مین لوتكه‌ی كۆبوونه‌وه‌ی ده‌ستپێشخه‌ری جیهانی، له‌ ئۆكرانیاش له‌گه‌ڵ پێترۆ شینكۆ سه‌رۆكی ئه‌و وڵاته‌ و لێپرسراوان دیكه‌ی حكوومه‌ت و سه‌رۆكی رێكخراوه‌كانی كۆمه‌ڵگه‌ی مه‌ده‌نیدا كۆ ده‌بێته‌وه‌.دوایین وێستگه‌ی سه‌ردانه‌كه‌ جێگرى سه‌رۆكى ئه‌مه‌ریكا بۆ توركیا ده‌بێت، كه‌ له‌گه‌ڵ ره‌جه‌ب ته‌یب ئه‌ردۆغانی سه‌ركۆماری توركیا و ئه‌حمه‌د داود ئۆغڵوی سه‌رۆكوه‌زیراندا كۆ ده‌بێته‌وه‌.