Bi amadebûna birêz Mesûd Barzanî Serokê Herêma Kurdistanê, Hêro Îbrahîm Ehmed Endama Mekteba Siyasî ya Yekîtiya Nîştimaniya Kurdistanê û Xanima Yekema Iraqê û Dr Kemal Kerkûkî Serokê Parlemena Kurdistanê û hejmarek ji berpirsên partiyên hikûmî û cemawerekî zêde li hola Şehîd Mamosta Se'ed li Hewlêr Yekemîn Festîvala Kultûrî ya Koriya Başûr destpêkir.

Li destpêka festîvalê da Balyozê Koriya Başûr li Iraq gotarek pêşkêş kir û têda balkişand li ser wê yekê ku yekemîn care ev cure festîvala kultûriya Koriya Başûr li Herêma Kurdistanê dihête pêşkêş kirin.

Her wiha ronahî kir ku pêwendiya rewşenbîrî û kultûrî û aboriyên di navbera Koriya Başûr û Herêma Kurdistanê li sala du hezar û çar ve dema Tîma Zeytûn hate Kurdistanê destpêkir û li warê binyatnan û avadankirinê çend projeyek bi cîh kirin û tekez li ser pêwîstiya pêşxistina wan kir.