Îro şemî 15/10/2011 birêz Mesûd Barzanî Serokê Herêma Kurdistanê li Selahedîn pêşwaziya şandekî bilinda Rewta(Tevgera) Demokratî kir ku ji birêz Dr. Amir Hesen Feyaz, Dr. Elî Elrefî'î, Casim Elhelefî, Kamil Mîdhat, Dadwer Hadî Ezîz û Qasim Elşebilî pêkhatibûn.

Li hevdîtinê de, şanda bilinda Rewta Demokrat bi kurtî di derbarê pêkhat û armanca tevgera xwe ya li warê siyasî, aborî, yasadanan, civakî, xizmetguzarî, jêrxan, perwerde, rewşenbîrî û ragihandinê pêşkeşî Serok Barzanî kir û bi mebesta binyadnana Iraqekî Federal û Demokratî pêşketî tekez li ser pêşxistina pêwendiyên li gel tevgera neteweya gelê Kurdistanê û aliyê siyasiyan kir. Balkişand li ser wê yekê ku nêzîkbûna hêz û aliyê demokratiyan ku hêz û aliyê Kurdistaniyan beşekin ji wan hêzên din dibexşê pêvajoya siyasiya Iraqê ya li rêya rastkirina tevgera pêvajoya siyasî û pêkanîna çaksaziya siyasiya li hemû waran da.

Serok Barzanî, ji bilî tekezkirina bi girêdayîbûna destûr wekî zemanetek ji bo serxistina pêvajoya siyasî û çareserkirina hemû gîr û giriftên li navbera hêz û aliyê siyasiyên Iraqê, ragihand ku Rewta Demokratî rewtekî ne namo û xerîbe li gelê Kurdistanê û her li şoreşa eylûlê ve dirûşma demokratiyetê bûye dirûşma serekiya şoreşê û em bawerin li keşekî demokrat da hemû pirs û gîr û girift dihêne çareserkirin û sebaret bi tevgerê jî piştgîriya tevahiya xwe ji bo şandê ragihand û daxwaz kir bi kiryarê dirêjî bi kar û çalakiyan bidin.

Her wiha guftûgokirina pêşketinên dawiya pêvajoya siyasî û ewlehiya welat mijareke dinê vê hevdîtinê bû.