Encûmena Niştimanî ya Kurd li Sûriyê (ENKS) îro 24.03.2026, sersaxî ji Serok Barzanî û Serokatiya gelê Herêma Kurdistanê re xwest û armancgirtina baregehên Pêşmerge ya bi mûşekên Balîstîk ên Îranê, wek destdirêjiyeke hovane ya aşkera û dijmintiyê wesif kir ku ewlekarî û aramiya Herêma Kurdistanê kiriye armanc.

Encûmenê di daxuyaniyekê de ragehand: "Ev bombebaran di çarçoveya wan êrîşên ku aramî û serweriya Herêma Kurdistanê hedef digirin û armanca wan têkdana ewlehî û lewazkirina ezmûna wê ya destûrî ya li ser bingeha jiyana hevbeş û demokrasiyê ye."

Herwaha amaje bi wê jî kiriye ku ev êrîş ne tenê çalakiyek leşkerî ye, lê di heman demê de di çarçoveya rêze êrîşan de ye ku tehdît li avahiya federal a herêmê û destkeftiyên gelê Kurdistan û ewlehî û aramiya wê dikin. Encûmenê bang li civaka navneteweyî kir ku berpirsiyariyên xwe yên qanûnî û mirovî bigire ser xwe û gavên pratîkî bavêje da ku van êrîşan rawestîne, û hişyarî da ku bêdengiya berdewam li hember van êrîşan dê bibe sedema tevliheviyên din û şansên aştiyê li herêmê têk bibe.

Encûmena Neteweyî ya Kurd tekez kir ku pêdivî bi astengiyek navneteweyî heye da ku sivîlan biparêze û serweriya herêmê biparêze.

 

Berê Wezareta Pêşmerge ya Hikûmeta Herêma Kurdistanê ragihandibû ku îro sêşemê baregeheke Firqeya Heftemîn a Piyade ya li fermandariya herêma yekem û hêzeke girêdayî Firqeya Pêncemîn a Piyade ya hêzên Pêşmerge li Soranê di du êrîşên cuda de bûne hedef.

 

Basnews