Peyama pîrozbahiyê bi boneya sî û du saliya temenê kovara Gulan

Birêz Sernivîskar, Desteya Nivîskaran û tevahiya karmendên kargêrî û hunerî yên kovara (Gulan),

Bi boneya derbasbûna sî û du salan bi ser derçûna hejmara yekem a kovara we ya ezîz, germtirîn û kûrtirîn pîrozbahiyên xwe pêşkêşî we yên westan-nenas û hemû xwendevanên hişyar ên Kurdistanê dikim. (Gulan) tenê medyayek nîn e, belkî platformeke pêşeng a zanistî û gencîneyeke dewlemend a fikrî û neteweyî ye ku di dîroka rojnamegeriya kurdî de, xwedî mor û nasnameya taybet a xwe ye.

Kovara Gulan di sê dehsaliyên borî de, roleke stratejîk û girîng di parastina ziman û resenatiya kurdî û pêşxistina ramana nîştimanî de lîstiye. Ev organ bi peyama xwe ya hevseng û berpirsyar, bûye pira têkiliyê di navbera elîta akademîk û xwendevanên giştî de, û karîbûye ji dîtineke kûr a mirovî û neteweyî ve şiroveyên hûr û objektîf ji bo bûyeran bike. Xizmeta we di çespandina çanda bihevrejiyanê û naskirina xwendevanê kurd bi dîtinên nivîskar û bîrmendên cîhanî, cihê giringî û destxweşiyeke mezin e.

Berdewamiya (Gulan) wekî çavkaniyeke pêbawer ji bo lêkolîneran û navendeke diyar ji bo gihîştina nêrînên cuda, nîşana pîşeyîbûn û rêzgirtina we ya kûr e ji bo hişmendiya civakê. Hêvîdar im di vê karwana pîroz de hûn her dem pêşeng bin û bi wî şêwazê nûjen û giranbiha, di xizmeta karwana rewşenbîrî û medyayî ya Kurdistanê de berdewam bin.

Salvegera derçûna (Gulan) pîroz be, hêviya temenekî dirêj û serkeftina berdewam ji bo we dixwazim.