Elon Musk, sermayedarê mezin ê cîhanê û xwediyê tora civakî ya X: Ez pêşbînî dikim ku di pêşerojê de hejmara robotan ji ya mirovan bêtir bibe

 

Elon Musk, sermayedarê mezin ê cîhanê û xwediyê tora civakî ya X: Ez pêşbînî dikim ku di pêşerojê de hejmara robotan ji ya mirovan bêtir bibe.

Armanca bingehîn û giştî ya hemû hewildan û kompanyayên min yek tişt e: Gihandina îhtîmala serkeftina pêşeroja şaristaniyeta mirovahiyê bo asta herî bilind û berfirehkirina qada hişmendiya mirov bo derveyî gerstêrka Erdê.

Em li beramberî guherîneke aborî ya bêhempa ne; bi rêya têkelkirina zîrekiya destkird û robotên mirovî (Humanoid Robots), em dikarin bigihêjin qonaxa «firehiya berdewam» (Sustainable Abundance). Ez pêşbînî dikim ku di pêşerojê de hejmara robotan ji ya mirovan bêtir bibe, bi awayekî ku ewqas pir dibin ku mirov nikare bifikire ku daxwazeke nû bike ku robot ji bo wî bi cih neynin.

Robota «Tesla Optimus» bi lez geş dibe. Heya dawiya îsal wê erkên aloz ên hundirê kargehan pêk bîne û ez pêşbînî dikim ku sala bê ji bo bikaranîna giştî pêşkêşî bazarê bê kirin.

Ji bo xebitandina van teknolojiyên nû, pêdiviya me bi elektrîkeke pir zêde heye. Çavkaniya sereke ya enerjiyê ji bo me divê enerjiya rojê (Solar) be. Tenê qadeke 100 mîl bi 100 mîl ji panelên rojê, bes e ji bo dabînkirina hemû elektrîka Dewletên Yekbûyî yên Amerîkayê. Em li «Tesla û SpaceX»ê kar dikin ku salane 100 gîgawat enerjiya rojê li hundirê Amerîkayê berhem bînin.

Destkeftiya me ya herî mezin a îsal di SpaceXê de wê bidestxistina «bikaranîna dîsa ya tam» (full reusability) a moşeka Starship be. Ev yek lêçûna çûna valahiya asman 100 caran kêm dike û geştên asmanî wê bibin mîna yên balafiran. Geşta me ber bi Marsê ve tenê şeş mehan dikişîne û ez hêvîdar im ku bikaribim wê geştê bikim.

Peyama min ji bo her kesî geşbînî ye; çêtir e ku tu geşbîn bî û şaş bî, ne ku tu reşbîn bî û rast bî, ji ber ku geşbînî motora nûgerî (înovasyon) û kalîteya jiyanê ye.