Seroka lîsteya PDKê ya Silêmaniyê Dr. Eşwaq Caf ragehand ku welatî baş dizanin kîjan partî xizmeta wan kiriye û avahiya siyasî ya Herêma Kurdistanê parastiye. Herwaha tekez kir ku PDK dê ji ber proje û xizmetên xwe cihê xwe wekî hêza yekem li Kurdistanê biparêze û armanca wan ew e ku bi rêya şerekî yasayî li Bexdayê mafên destûrî yên gelê Kurd bi dest bixin.

Dr. Eşwaq Caf, ku namzeda jimare 1 a lîsteya 275ê ya Partiya Demokrat a Kurdistanê (PDK) li Silêmaniyê ye, di hevpeyvînekê de ji BasNewsê re ragehand, wekî namzedên PDKê bi baweriyekî mezin ve em diçin nav xelkê. Ji ber ku PDK nûnertiya hemû xelkê Kurdistanê bê cudayî kiriye.

Herwaha got: "Bê guman, em hîn jî di dema kampanyayê de hemî qanûn û rêbernameyên komîsyonê ve girêdayî kar dikin û em ê li Silêmaniyê, Helebçe û Raperînê kampanyayek aştiyane birêve bibin.’’

Rexnekirina Bexdayê û tekezkirina mafên destûrî

Dr. Eşwaq Caf rexneyên tund li hikûmeta Iraqê kirin û got: "Hikûmeta Iraqê mafê destûrî yê herî hêsan ê gelê Kurd, ku ew jî kêmkirina mûçeyên wan e, binpê kiriye. Tiştê ku li Bexdayê li dijî Herêma Kurdistanê tê kirin enfale û cureyekî din a hewldanekî ji bo jinavbirina Herêma Kurdistanê ye."

Berbijêra PDKê got: "Armancên me tenê dikarin bi rêya nûnerên PDKê yên li parlamentoya Iraqê werin bidestxistin, ji ber ku PDK qet nebûye partiya bajarekî an herêmek an jî parçeyekî.’’

Eşwaq Caf tekez kir ku gelê Kurd pir hişyare e û dizane kê xizmet kiriye, ji ber vê yekê em hêvî dikin ku dengder baweriyê bidin lîsteya 275 a PDKê, ji ber ku PDK hêviya gel e û bi piştgiriya wan, dê hêza yekem bimîne.

 

Basnews