Li navçeya Bêrecûkê ya parêzgeha Rihayê ya Bakurê Kurdistanê, ji ber pirsgirêka erdan kesekî biraziyê xwe yê 38 salî kuşt û kurê wî jî birîndar kir.

Li gundê Eşmeyê yê navçeya Bêrecûkê, doh ji ber de pirsgirêka erdan di navbera Hasan Karataşê 53 salî û biraziyê wî Enver Karataşê 38 salî de pevçûn derket.

Di pevçûnê de Hasan Karataş bi demançeyê gule li biraziyê xwe Enver Karataş û kurê wî Ebubekir Karataşê 22 salî reşandin û her du birîndar kirin.

Li ser agahdarkirinê cendirme û tîmên tenduristiyê çûn cihê bûyerê û Enver û kurê wî Ebubekir birin Nexweşxaneya Dewletê ya Bêrecûkê.

Tevî midaxeleya li nexweşxaneyê Enver Karataş canê xwe ji dest da û dermankirina Ebubekir Karataş berdewam e.

Êrişkar Hasan Karataş ji aliyê cendirmeyan ve hat desteserkirin.

 

Rudaw