Amerîka û Brîtanya êrîşî ser Hudeydeyê kirin
Çend pêgehên çekdarên hûsî hatine wêran kirin.
Fermandariya navendî ya Amerîkayê daxuyaniyek belav kiriye û têde ragihandiye ku, hêzên Amerîkî û Brîtanî bi hevbeşî êrîşî ser pêgehên çekdarên hûsî yên li Yemenê kirine.
Di daxuyaniya Fermandariya navendî ya Amerîkayê de hatiye diyarkirin ku, şeva derbasbûyî balefirên cengî yên Amerîkî û Brîtanî êrîşî ser çend pêgeh û cîhên steratejîk yên çekdarên hûsî li parêzgeha Hudeydeyê de kirin û di encama êrîşa han de çend pêgeh û cîhên steratejîk yên wan çekdaran hatine wêrankirin.
Ji aliyê xwe ve çekdarên hûsî jî diyar kirine ku, duhê bişev 9 caran êrîşî ser wan hatiye kirin.
