Serok Barzanî pîrozbayî li Swîsê dike.

Îro li Pîrmamê Serok Barzanî pêşwaziya balyozê nû yê Swîsê yê li Bexdayê kir û di civînê de jiber vekirina balyozxaneya Swîsê li Îraqê Serok Barzanî pîrozbayî li Swîsê û balyozê Swîsê kir û hêviya serkeftinê jî jê re xwest û ragihand gelê Kurdistanê xwedan rêzeke taybete bo Swîsê.

Serok Barzanî herwiha hêvî xwest têkiliyên du alî di her warî de bi taybetî di warê jêrxan û tendirostî de bihêztir bibin.

Her di heman civînê de balyozê Swîsê rêzdariya xwe bo rola dîrokî ya Serok Barzanî ya di nava prosesa siyasiya Îraq û herêma Kurdistanê de diyar kir û jiber serkeftina prosesa hilbijartinên parlementoyê jî pîrozbayî li Serok Barzanî kir û ragihand ev serkeftina han serkeftineke mezin ya demokrasiyêye bo gelê Kurdistanê.

Serok Barzanî jî serkeftî bûna prosesa hilbijartinê bo mêrxasiya gelê Kurdistanê vegerand û balkêşande ser pêngavên qanûnî yên piştî prosesa hilbijartinê.

Rewşa siyasiya Îraq û deverê û pêşhatên dawî yên li deverê mijarên din yên vê civînê bûn.