Çar park li Hewlêrê dê bên çêkirin ku du ji wan parkan li ser budceya ofîsa Serokê Hikûmeta Herêma Kurdistanê ye û xercên wan jî nêzîkî 19 milyar dînar e.

Îro 06.09.2024ê parêzgeriya Hewlêrê ragehand, ji bo giringî dayîna bi xwezayê û zêdekirina rêjeya şînkayiyê û xizmetkirina ji hemwelatiyan re, li Hewlêr a paytexta Herêma Kurdistanê 4 parkên mezin tên çêkirin.

Herwaha hat ragehandin, parkek dê li teniştia rêya otoban a 150 metreyî û dê bi 3 milyar û 700 milyon dînaran li ser budceya ofîsa Serokê Hikûmeta Herêma Kurdistanê û li ser rûbera 150 hezar metre çargoşeyê bê çêkirin.

Hat ragehandin li ser rêya otoban a 120 metreyî ya Hewlêrê û li ser rêya Hewlêr – Mûsilê jî dê parkek bê çêkirin û ew jî bi 3 milyar û 420 milyon dînar têde dê bê xerc kirin û li ser rûbera 205 hezar metre çargoşeyê be û dest bi çêkirina wan hatiye kirin.

Parêzgariya Hewlêrê diyar kir, Parka Reşkîn ku 15 milyar dînaran li ser budceya taybet a ofîsa Serokê Hikûmeta Herêma Kurdistanê û li ser rûbera 120 hezar metreyan dibe, dest bi çêkirina wê jî hatiye kirin.

Hat gotin projeya çêkirina Parka taxa Jiyan jî ku dê milyarek û 40 milyon û 477 hezar dînar lê biçe û li ser budceya sedî 15 ya serokatiya şaredariya Hewlêrê ye û li ser rûbera 19 hezar metre çargoşeyan hatiye çêkirin.

 

Basnews