Endamê Polîtburoya Tevgera Îslamî ya Kurdistanê Mamosta Hesen Berzencî behsa rêkeftina Kerkûkê dike û dibêje encamên vê rêkeftinê dê ziyanê bigehînin kurdan û daxwazê ji YNKê dike naveroka rêkeftin û peymanê ji bo raya giştî aşkera bikin.

Piştî çend aliyên erebî naveroka rêkeftina nepenî ya di navbera YNK û erebên şovenîst û milîsên Babilyon a ji bo pêkanîna hikûmeta xwecihî ya Kerkûkê ragehandin, bertek û nîgeraniyên di astên cuda de pêşketin.

Endamê Polîtburoya Tevgera Îslamî ya Kurdistanê li Kerkûkê Mamosta Hesen Berzincî ji BasNewsê re ragehand: ‘’Mixabin berê 250 kesên girtiyên DAIŞê ji Rakan Cibûrî re hatin teslîm kirin, ew kar bi rêkeftineke veşartî hate kirin û bê ku Wezareta Navxwe ya Kurdistan û Iraqê û Hêzên Hevpeyman agahdar bin hate kirin. Gelek caran rêkeftinên veşartî tên kirin û dûr ji prensîbên ewlehî û asayîşa netewî û sîstema dewletdariyê tê kirin û bê ku alî jê agahdarbin tên kirin.’’

Herwaha got, belavbûna navmala kurd wisa kiriye ku gelek caran rêkeftinên veşartî hebin: ‘’Mixabin ew rêkeftina li Hotêl Reşîd hate kirin li Bexdayê ji bo danîna parêzgar bû û bi veşartî hatiye kirin û ti aliyekî Kurdistanî jê agahdar nebûye. Em hêvîdarbûn bi awayekî şefaf û zelal ji bo raya giştî hatiba belav kirin.’’

Herwaha diyar kir: ‘’Xuya dike milmilaneya hêzên mezin tehekûmê li Kerkûkê bike, ji ber tişta li Kerkûkê heye beşek ji wê peywendiya wê bi dewletên cîran ve heye û beşek jî peywendiya wê bi navxweyî Iraqê ve hye û peywendiya xwe bi partiyan ve heye. Eger me bi 7 kursiyan ve danûstandin û rûniştin kiriba li gel aliyan ewqas peywir ji dest nedihate dayîn li Kerkûkê.’’

Herwaha got pêkhateya kur dli Kerkûkê gelek zerer kiriye; ‘’Rêjeya kurd din av saziyên Kerkûkê de sedî 17 ye lê ya Tirkmenan sedî 30 e û ereb zêdetir ji sedî 50 ye. Kurdan ziyaneke mezin dîtine ji vê rêkeftinê jî ziyaneke mezin geheştiye wan, peywirên giring û hemû cîhên giring ji dest dane.’’

Berpirsê Tevgera Îslamî got: ‘’Wek kurd li Kerkûkê me ezmûnên tal li gel rêkeftinan heye. Di 16ê cotmeha 2017ê de rêkeftin hate kirin û behsa çend xalekan dikirin, lê hemû bûn mijarên sosyal medyayê lê di rastiyê de çi tiştek me bidest nexist. Ev rêkeftine jî bi heman awayî hegemona welatane û ew welatane rê nadin rêkeftin bê aşkera kirin, xwedê dizanê çi tiştek di wan rêkeftinan de heye?’’

 

Basnews