Biryare sibe 19.01.2024ê termê Kerem Mikhail ku yek ji qurbanên êrîşa mûşekî ya Îranê ya li ser bajarê Hewlêrê bû, dê bibin Brîtanyayê û dê li wê derê bê veşartin.

Li gor zanyariyan heta naha termê Kerem Mikhail li bijîşkê dadî yê Hewlêrê ye û îro 18.01.2024ê demjimê 19:00ê êvari dê ji dêreke Enkawe re bê veguhestin û piştî merasîmên olî, dê li yek ji salonên taziyê yên Enkawa taziye bo bê danîn.

Li gor zanyariyên BasNewsê piştî dawî hatina serxweşî û taziyê Kerem Mikhail biryare termê wî bi rêya balefirgeha navnetewî ya Hewlêrê ve ji Brîtanya re bê şandin û li wê derê bê veşartin.

Kerem Mikhail bazirganeke mesîhî yê Iraqê ye û xwedî nasnameya Brîtanyayê jî, li Iraqê karê bazirganiyê kiriye. Şeva êrîşa mûşekî ya Îranê li ser Hewlêrê, li mala Şehîd Pêşrew Dizeyî mêvan bûye û ji ber wê ew jî di wê êrîşê de şehîd bû.

Hêjayî gotinê ye bavê Kerem Mikhail serdana cîhê şehîdbûna kurê xwe kir û li wê derê ji çapemeniyê re ragehand, em wan tometan red dikin ku Îran dibêje û got: ‘’Kurê min û Şehîd Pêşrew ti peyvendiya wan bi siyasetê û partiyên siyasî ve nebûn. Ew du bazirganên baş ên vî welatî bûn.’’

 

Basnews