Li parêzgeha Dêrsimê ya Bakurê Kurdistanê erdhejek bi hêza 4,2 pileyên rîxterê çêbû.

Rêveberiya Karesat û Rewşên Bilez (AFAD) ragihand ku îro demjimêr li navçeya Pilemûriyê ya parêzgeha Dêrsimê ya Bakurê Kurdistanê erhejek bi hêza 4,2 pileyan çêbûye.

Li gorî AFADê, kûrahiya erdhejî 8.7 kîlometre bûye û li navenda bajarê Dêrsimê û çend navçeyên derdorê jî hatiye hîskirin.

Hat ragihandin ku piştî erdhejê ti pêşhatek neyînî çênebûye û li ser vê yekê aliyên pêwendîdar nehatine agahdarkirin.

Li aliyê din li parêzgeha Colemêrgê ya Bakurê Kurdistanê 3 erdhejên li pey hev ên bi hêza 4.4, 3.5 û 4.5 çêbûbûn.

Piştî wan erdhejan Mamosteyê Beşa Endezyariya Jeolojiyê ya Fakulteya Madenê ya Zanîngeha Teknîkê ya Stenbolê Prof. Dr. Nacî Gorur li ser egera erdhejên nû, ji bo 5 parêzgehên Bakurê Kurdistanê yên Bedlîs, Semsûr, Colemêrg, Dêrsim û Çewlîgê hişyarî dabû û tekez kiribû ku divê bajarên li hemberî erdhejê xweragir bên avakirin.

 

Rudaw