Serok Barzanî li gel Konsulusê Hindistanê civiya.

Îro li Pîrmamê Serok Barzanî pêşwaziya Konsulusê giştî yê Hindistanê li Hewlêrê Madan Gopal kir.

Di civînê de giftûgo derbarê rewşa siyasiya Îraq û deverê û ev waran de hate kirin ku, dikarin bibin sedema pêşde birina têkiliyên navbera Hindistan û Kurdistan. Di vê derbarê de Konsulusê Hindistanê yê li Hewlêrê daxwaza vê yekê kir ku, di warên pêgehandina karînên însanî, çandî, teknolojiya û nûjdarî de têkiliyên navbera her du aliyan werin pêşde birin.

Her di vê civîna han de Serok Barzanî jî rêzdariya xwe ya li hember rola Serkirdeyên Hindistanê weke Gandî û Nehro diyar kir û ragihand ku, ev Serkirdeyên mezin xwedan rol bûne bo piştîvanî kirina gelên zilim lêkirî, aştî û aramiyê li cîhanê de û ragihand ku, Kurdistan rêzeke gelek taybet bo gelê Hindistan û çanda zengîn û bihevre jiyana Hindistanê heye.

Di beşeke din ya civînê de Serok Barzanî bi awayeke kurt behsa dîroka xebata gelê Kurdistanê kir û Konsulusê Hindistanê jî rol û xebata pêşmerge û gelê Kurdistanê bo azadî û rûbirû bûna terorê bilind nirxand.