Li bajarokê Gemlikê yê ser bi bajarê Bursayê ve, erdhejek bi hêza 5.1 pile rû da û li Stenbolê jî hest pê hate kirin.

Serokatoya Rêveberiya Rewşa Awarte û Karesatan (AFAD) ragihand, îro demjimêr 10:42 erdhejek ku navenda wê bajarokê Gemlikê ye rû da.

AFADê diyar kir jî, hêza erdhejê 5.1 pile ye û nêzikê 9 kîlomtre di bin erdê de rû daye.

Xelkê Stenbolê jî hest bi erdhejê kir û tirs û xemeke mezin di nava welatiyan de peyda bû û ji mal û avahiyan derketin kolanan.

Heta niha ti ziyaneke canî û madî nehatiye ragihandin.

Ev di demekê de ye, roja pêmşema borî jî li parêzgeha Meletiyê ya Bakurê Kurdistanê du erdhejên bi hêza 5.2 û 4.7 pile rû dabûn.

Di 6ê Sibata borî de erdhejeke wêranker li Efrîn û bakurê Sûriyê rû dabû ku di encamê de nêzîkî 6 hezar kesan canê xwe jidest dab, sedan birîndaran û bi hezaran xanî hilweşiyan.

 

K24