Sergeran – Îro hêzeke artêşa Iraqê careke din rêgirî li karê çandiniya cotkarên kurd kir
Îro careke din hêzeke artêşa Iraqê çû ser zeviyên cotkarên kurd ê gundeke kurdên ser bi nahyeya Sergeran û rêgirî li karê wan ên çandiniyê dikin.
Nûnerê cotkarên Sergeran Mihemed Îsmaîl ji BasNewsê re ragehand: ‘’Îro 23.07.2023yê careke din hêzên artêşa Iraqê bi palderiya erebên hawirde çên ser zeviyên cotkarên gundê Şinaxe ya ser bi Sergeran û dest bi têkdana kanalên ava ser zeviyên çandiniyê kirin û rêgirî li karê çandiniya cotkaran dikin.’’
Di saya îdareya sepandî ya Kerkûkê û bi palderî û handana erebên hawirde ve, ji aliyê hêzên artêşa Iraqê ve, di çarçoveya proseya erebkirinê de rêgirî li karên çandiniya cotkarên hejmarek gundên ser bi nahyeya Sergeran tê kirin.
Basnews
