Umêd Sebah: Li ser fermana Serokwezîr Mesrûr Barzanî nahiya Herîr dibe qeza
Parêzgariya Hewlêrê ragihand, li ser fermana Serokwezîr Mesrûr Barzanî herdu nahiyeyên Herîr û Basirme dibin qeza.
Li gor daxuyaniya Parêzgariya Hewlêrê, li ser fermana Serokwezîrê Herêma Kurdistanê Mesrûr Barzanî, ji bo xizmetkirina zêdetir a welatiyan û gihandina xizmetguzariyan, biryar hat dayîn ku herdu nahiyeyên Herîr û Basirme bikin qeza.
Di daxuyaniyê de hatiye diyarkirin: “Ji bo baştir meşandina karûbarên îdarî yên welatiyan li fermangehan, piştî biryara zêdekirina qezayên Pîrmam, Enkawa û Quştepe yên li sînorê parêzgeha Hewlêrê, biryar hat dayîn ku herdu nahiyeyên Herîr û Basirme bikin qeza û di demeke nêz de jî rêkarên îdarî û yasayî ji bo temamkirina karûbaran dest pê dike.”
Basnews
