Serokwezîr Herêma Kurdistanê Mesrûr Barzanî, Trîfa Ezîz weke nûnera nû ya Herêma Kurdistanê li Amerîkayê destnîşan kir.

Trîfa Ezîz herî dawî şêwirmenda payebilind a serokwezîr bû. Wê berê zêdetirî 25 salan di karûbarên cuda de di sektorên giştî û taybet de li Dewletên Yekbûyî yên Amerîkayê kar kiriye. Di salên 1990î de jî nûnertiya Partiya Demokrat a Kurdistanê (PDK) li Washingtonê kiribû.

Nûnera berê ya Hikûmeta Herêma Kurdistanê Beyan Samî Ebdulrehman piştî 8 salên serketî yên li Washingtonê vegeriya Herêma Kurdistanê û dê weke Şêwirmenda Bilind a Serokwezîrê Herêma Kurdistanê bo karûbarên derve û guherîna avhewayê li Ofîsa Serokwezîriyê ya li Hewlêrê kar bike. Beyan Samî Ebdulrehman 10 salan jî nûnera Hikûmeta Herêma Kurdistanê bû li Brîtanyayê û demeka dirêj rojnamegerî jî kiriye.

Ofîsa Serokwezîr pîrozbahiyê li her du berpirsan dike û hêviya serkeftinê ji bo berdewamiya xizmetkirina gelê Kurdistanê dixwaze.

 

Basnews