Serokwezîrê Herêma Kurdistanê êrîşên îro yên li ser baregehên partiyên Rojhilatê Kurdistanê yên li Koyê û Zirguwêzê şermezar kir û got, ew êrîş “binpêkirina serweriya axa Herêma Kurdistanê û Iraqê” ye.

Bi amadebûna Serokê Herêma Kurdistanê Nêçîrvan Barzanî û Serokwezîrê Herêma Kurdistanê Mesrûr Barzanî îro 14ê Mijdara 2022an Enstîtûya Dahênan û Nûbûna Kurdistanê li Hewlêrê hat vekirin.

Di merasima vekirina enstîtûyê de, Serokwezîrê Herêma Kurdistanê Mesrûr Barzanî di gotarekê de êrîşên îro yên li sînorê navîeya Koyê û gundê Zirguwêzê şermezar kir.

Mesrûr Barzanî êrîşên li ser Koye û Zirguwêzê weke “binpêkirina serweriya axa Herêma Kurdistanê û Iraqê” bi nav kir.

Îro baregehên Partiya Demorkata Kurdistana Îranê (PDKÎ) li navçeya Koyê ya Hewlêrê û herwiha baregeha Komeleya Zehmetkêşan a Kurdistanê li gundê Zirguwêzê yê Silêmaniyê ji aliyê Îranê ve bi mûşek û dronan hatin armanckirin.

Wezîrê Tendirustiyê yê Herêma Kurdistanê ragihandiye, di êrîşa ser Koyê de kesekî canê xwe ji dest daye û 8 kes birîndar bûne.

Derbarê zirarên êrîşa li ser baregeha Komeleya Zehmetkêşanê de hêj ti zanyarî nehatine bidestxistin.

 

Rudaw