Vîze nade rayedarên rejîma Îranê.

Hikûmeta Almanyayê ragihandiye ku, piştîvaniya xwepîşandanên xelkê Îranê yên li dijî rejîma vê welatî dike û li gel Yekîtiya Ewrûpayê dorpêçên nû dixin ser rejîma Îranê.

Hikûmeta Almanyayê herwiha dilgiraniya xwe ya li hember bikar anîna tundî ji aliyê rejîmê ve li dijî xwepîşanderan diyar kiriye û ragihandiye ku, Almanya ji helwestên rejîma Îranê yên li dijî xwepîşanderan dilgirane lewre Almanya bo piştîvanî kirina xwepîşandanên Îranê û xelkê vê welatî, biryar daye ku, ji niha û pêde vîze bi asanî nede rayedarên Îranê.

Wezareta derve ya Almanyayê jî eşkere kiriye ku, Almanya nikare li hember rejîma ku, dijî mirovatî tevdigere xwedan têkiliyên baş be, û Almanya li gor mercên rojê li hember Îranê tevdigere û helwestên tund raberî Îranê dike.