Serokwezîrê destnîşankirî yê Iraqê Mihemed Şiya Sûdanî îro karnameya hikûmeta xwe eşkere kir.

Li gorî beşek karnameya hikûmeta Sûdanî, Hikûmeta Herêma Kurdistanê û Hikûmeta Federal dê di nava 6 mehan de, projeyasaya petrol û gazê û bûdceyê li gorî destûra Iraqê amade bikin.

Di karnameyê de hatiye, Hikûmeta Herêma Kurdistanê û Hikûmeta Iraqê dê bi piştevaniya hêzên siyasî yên ku li ser vê ajandayê li hev kirine, li ser mijarên petrol û bûdceyê gotûbêj bikin, heta derxistina yasaya petrol û gazê li gorî destûrê di heya şeş mehan de.

Ji bo dariştina yasaya petrol û gazê di karnameya Sûdanî de hatiye, komîteyeke taybet ji bo karûbarên yasayî, darayî û sotemeniyê ji aliyê Hikûmeta Herêma Kurdistanê û Hikûmeta Iraqê ve tê pêkanîn.

Projeyasaya petrol û gazê dê di 6 mehan de di navbera Hikûmeta Federal û Hikûmeta Kurdistanê de tê derxistin.

Herwaha di karnameya Sûdanî de hatiye gotin: ‘’Garantî kirina rêkeftina Şingalê ku pêştir di navbera Hewlêr û Bexda de hatibû îmza kirin û di çarçoveya bernameya hikûmetê de vegerandina asayîş û seqamgiriya Şingalê.’’

Di beşek din de tê soz tê dayîn ku tevdîrên rêkeftina taybet derbarê tejî kirina valatiya ewlehiyê li xetên berevaniya navbera hêzên federal û hêzên Pêşmerge de bê temam kirin.

Herwaha di beşekî din a karnameyê de tê gotin: Pêkanîna fewca polîsê hewarçûnê ji ciwanên Kerkûkê û ew erkê îdare kirina dosya ewlehiyê li parêzgehê bigrin ser xwe û pêwîstiyên wan bên dabîn kiirn.’’

Karnameyê de tê gotin: Di nav 6 mehan de yasaya encûmena federal dê bê derxistin. Herwaha yasaya dadgeha federal jî dê nav 6 mehan de bê derxistin.

Li gor karnameya Sûdanî: Helbijartinên encûmena parêzgeha Kerkûkê jî 6 mehan de bê kirin û li hemû parêzgehên din jî li gor yasaya ku kar pê tê kirin be, lê nabe salek piştî pêkanîna hikûmetê zêdetir berdewam bike.

 

Basnews