Îro 16.10.2018ê di salvegera xiyaneta 16ê cotmehê de, li dijî dagir kirina parêzgeha Kerkûk û navçeyên Kurdistanî komeke berçav a rêxistinên civaka sivîl xwepêşandanek pêkanîn.

Di wî xwepêşandana ku îro li bajarê Hewlêrê pêkhat de û rêxistinên civakê yên sivîl û çalakvan beşdar bûn û li hember xiyaneta 16ê cotmehê û dagir kirina Kerkûk û navçeyên din ên Kurdistanê helwêstê xwe ragehandin û daxwaz kirin, ku bi awayek bêalî lêkolîn û lêpirsîna bûyerê bê kirin.

Di xwepêşandanê de daxuyaniyek hat xwendin û hat ragehand: ‘’Buyera 16ê cotmehê di demekê de ye ku berevajî hemû yasayên kar pê tê kirin û yasayên navnetewî bû. herwaha berevajî bû li gel destûra Iraqê ya federal û tewaneke mezin bû. ji ber li gor destûrê nabe artêş û hêzên çekdar di rikberiyên siyasî de beşdar bibin û binpê kirinan bikin, lê mixabin di 16ê cotmehê de artêşa Iraqê û milîsên heşdî şeibî tewan pêkanîn.’’

Hewaha hat gotin: ‘’Em di ji parlamentoya Iraqê daxwaz dikin ku binpê kirinên ku berdewam dikin û herwaha hikûmeta Iraqê bi awayên cuda helmetên ji kar dûrxistina berpirsên îdarî yên li navçeyên cuda daye destpê kirin û li hemû wan navçeyan jî proseya ereb kirinê dane destpê kirin û bi hemû awayekî dijatiya gelê Kurdistanê tê kirin. Ji ber wê jî wek erk û berpirsyariya xwe yên rêxistinên civakî sivîl em daxwaz dikin;

-Dawî li zulma li ser gele kurd bê anîn û dawî bi helmeta dûrxistina kar a berpirsên îdarî bê anîn ku piraniya wan jî kurd in.

- Li gor destûrê Pêşmerge hêzeke fermî û hatiye nasîn e. Em daxwaz dikin Pêşmerge vegere Kerkûk, Şingal û hemû navçeyên din û bi awayek hemû aliyan ve dever bên rêvebirin.

- rakirina wan xalên gumrikê yên ku ji aliyê hikûmeta Iraqê û milîsan ve hatine danîn û bacê werdigrin û di navbera Hewlêr û Kerkûk û hemû navçeyên din de hatine danîn.

Basnews