Li Kerkûkê, xortên kurd bi daliqandina alaya Kurdistanê bi dîwar û stûnên elektirîkê ve, salvegera referandoma serxwebûna Kurdistanê pîroz kirin û bibîr anîn.

Îro yekemîn salvegera referanoma serxwebûna Kurdistanê ye. Par vî çaxî, bi milyonan Kurdistanî çûn ser sindoqan û dengê xwe dan serxwebûn û azadiya Kurdistanê.

Derengiya şeva borî komek xortên wêrek yên Kerkûkê alaya Kurdistanê bi dîwar û stûnên elektirîkê ve kirin û beriya her kesî salvegera referandoma Kurdistanê pîroz kirin û bibîr anîn.

Piştî rûdanên 16 Cotmeha par û dagîrkirina Kerkûkê ji aliyê Heşda Şeibî û hêzên Iraqî ve, hildan û bilindkirina alaya Kurdistanê hat qedexekirin, yên ku vê yekê jî bikin bi tundî ji aliyê Heşda Şeibî ve tên cezakirin.

Basnews