Trump: Ji bo Brunson bê berdan em şer dikin
Serokê Amerîkayê Donald Trump di civîna li gel cemaeta Evanjelîstan li ser krîza li gel Tirkiyê û keşe Andrew Brunson axivî.
Hat ragihandin ku Trump di vê civîna li gel serokê Evanjelîst de ragihand ku ew hewl didin keşe Andrew Brunson vegerînin Amerîkayê û got ku têkoşîna wan jî i bi vê yekê ye. Trump wiha got, “Em şer dikin ji bo ku Andrew Brunson bê berdan.”
Keşeyê Amerîkî ev zêdetirî 2 sal in li Tirkiyê girtî ye û herî dawîn ji bo hefsa malê hatibû veguhastin.
Amerîkayê ji ber Brunson siza li ser wezîrên navxwe û dadê yên Tirkiyê sepandibûn. Herwiha baca gumrikê ya li ser tiştên ji Tirkiyê tên wergirtin jî hatibûn zêdekirin.
Piştî van geşedanan nirxê lîreya tirkî li hember dolar gelek daket.
Basnews
